[A:88]sbas la gtod cig bcom ldan 'das kyis nga 'das nas lo brgya lon pa na/ mtshan dang mi ldan pa zhes bya ba sangs rgyas kyi bya ba thams cad byed do zhes lung bstan to zhes smras so/ /de nas ma skyes dgras kun dga' bo mnyam ka'i grong du gshegs par zhus shing li tsa byi rnams kyis yangs pa can du gshegs par zhus pas ma gnang par ganggA'i dbus su rdzu 'phrul gyis bzhugs so/ /de'i tshe drang srong nyi ma'i gung zhes bya ba 'khor lnga brgya dang bcas pa rdzu 'phrul gyis der 'ongs pa dang / chu'i dbus su sa gzhi sprul nas gsol ba dang bzhi'i las kyis dgra bcom pa'i 'bras bu thob zer te rab bzang bzhin du mya ngan las 'da' bar zhus pas ma gnang bar khyod kha cher song la sangs rgyas kyi bstan pa zungs shig dang / bcom ldan 'das kyis lung bstan te/ nga 'das nas lo brgya lon pa na dge slong nyi ma'i gung zhes bya ba 'gyur ro ('byung ngo )/ /zhes so/ /de nas nyi ma'i gung gis kha cher klu gdug pa can btul nas yul byas te ri spos ngad dang ldan pa nas gur gum blangs te btab nas 'khor dgra bcom pa lnga brgya dang lhan cig tu gnas so/ /mdor na sha na'i gos can gyis nyer sbas rab tu byung nas gtad cing des nyi ma'i gung pa la'o/ /des nag po la'o/ /des legs mthong la'o/ ! /bsdu ba gnyis pa ni yangs pa can gyi dge slong kha cig gis rnyed pa dang bkur sti'i phyir dam pa'i chos 'dul ba dang 'gal ba chang rgyu mar blug nas 'thung ba dang / phyi dro'i kha zas lan tshwa can zos na nyes pa med pa la sogs pa mi rung ba'i gzhi bcu byas pa bsal ba'i phyir/ dus thub pa 'das nas lo brgya rtsa bcu na grong khyer yangs pa can du rgyal po dharma a sho ka chos rgyal mya ngan