[A:89]med kyis sbyin bdag byas nas thams cad 'dod pa la sogs pa dgra bcom pa bdun brgya 'dus nas zhal 'don du mdzad pas bsdus te/ thams cad kyang kun dga' bo'i mkhan bu sha stag go /bsdu ba gsum pa ni grong khyer ma hu ri zhes bya ba'i tshong dpon zhig rigs nyams pa na bu btsas te/ mahA de ba zhes btags pa na de nas (pha )tshong la song ba'i 'og tu ma la mi rigs pa spyad de pha 'ongs pa na/ pha la dug btang nas bsad pa dgra bcom pa zhig gis gzigs pas na/ de yang bsad do/ /yang mas gzhan dang mi rigs pa spyad pas ma bsad do/ /mtshams med pa gsum byas pas 'gyod pa skyes te sde snod gsum la mkhas par gyur pa dang / nyan thos rtsa ba'i sde pa bzhi las bco brgyad du gyes te/ sde pa tha dad pa'i 'khor lo las/ shar dang nub dang gangs ri dang / /'jig rten 'das par smra ba dang / /rtag par smra ba'i sde pa rnams/ /lnga tshan dge 'dun phal chen te/ /bzhi pa dang ni 'od srungs dang / /sa ston dag ni chos srung dang / /mang thos gos dmar slob ma dang / /rnam par phye ste smra ba rnams/ /thams cad yod par smra ba'i sde/ /rgyal byed tshal na 'jigs byed gnas/ /gtsug lag khang chen gnas brtan pa/ /sar sgrogs ri dang srung ba pa/ /gnas ma bu yi sde pa rnams/ / kun gyis bkur ba rnam pa gsum/ /yul don slob dpon bye brag gis/ /tha dad rnam pa bco brgyad gyur/ /zhes so/ /mdor na so so'i chos la sgro skur zhugs pa bsal ba'i phyir/ sangs rgyas 'das nas lo sum brgya na kha che'i yul bye brag kun pau ༷na zhes bya ba'i dgon pa dzA landha rar rgyal po ka ni kas sbyin bdag mdzad de/ byang chub sems dpa' lnga brgya/ seng ge la sogs pa dgra bcom pa