[A:30]sems bskyed de/ /bskal pa grangs med gsum du tshogs bsags shing / /bar du gcod pa'i bdud bzhi 'joms mdzad pa'i/ /bcom ldan seng ge de la phyag 'tshal lo/ /zhes pas/ dang po bskyed dka' ba'i bsam pa byang chub mchog tu thugs ji ltar bskyed pa dang / bar du bsgrub dka' ba'i sbyor ba pha rol tu phyin pa drug gis bskal pa grangs med pa gsum du tshogs ji ltar bsags pa dang / tha ma thob dka' ba'i 'bras bu rnam pa thams cad mkhyen pa'i sangs rgyas ji ltar brnyes pa'i tshul gsum las/ dang po ni/ de la dang po rigs sam nus pas snying rje'i bsam pa rab gsal cing / sbyor ba dang bsam pa phun sum tshogs pas/ byang chub sems ni yongs su bzung / /zhes pas/ sngon theg pa chen po'i rigs la gnas pa'i tshe/ las kyi nus pas dmyal ba'i lcags bsregs kyi sa gzhi la me'i shing rta 'dren pa'i gyad cig tu skyes so/ /de'i tshe shing rta 'dren pa'i zla bo stobs chung pas ma 'drongs pa la/ gshin rje'i skyes bus lcags kyi mdung rtse gsum pa brang du btsugs te lcags kyi tho bas brdeg cing bsnun pa la shin tu brtse ba skyes te/ kye gshin rje'i skyes bu/ 'di la ma bsnun ciga'adi'i skal ba bdag gis drang bar bya'o/ /zhes pa dang / gshin rje'i skyes bu a wa rab tu khros nas/ sems can so so rang gi las kyi bgo skal la spyod pa la/ khyod ci byar yod ces te/ gnya' bar lcags mdung rtse gsum pa btsugs nas tho ba me 'bar ba rab tu bsnun pas/ der tshe'i dus byas te sum cu rtsa gsum gyi lhar skyes so/ /zhes mdo drin lan gsab pa las 'byung ngo / /de nas 'dzam bu'i gling 'di nyid du rdza mkhan gyi bu khye'u snang byed ces bya bar gyur to/ /de'i tshe de