[A:31]bzhin gshegs pa shAkya thub pa chen po zhes bya ba 'jig rten du byon pa la shin tu dad pa skyes te/ gdugs gsar pa gcig dang / mchil lhwam gsar pa gcig dang | rdza'i bum pa chus gang ba gcig byi dor byas pa mchod par phul nas 'gron bu brgyas kyang gtor te/ gzhan don du de lta bu nyid thob par 'dod pas/ de bzhin gshegs pa khyod sku ci 'dra dang / /'khor dang sku tshe'i tshad dang dpe byad dang | khyed kyi mtshan mchog bzang po ci 'dra ba/ /de 'dra kho nar bdag kyang 'gyur bar shog /ces pa dang / bskal pa bzang po las/ nga ni sngon tshe dman par gyur pa'i tshe/ /de bzhin gshegs pa shAkya thub de la/ /'jam gang zhig ni dbul ba byas nas kyang / /dang po byang chub tu ni sems bskyed do/ /zhes pa'i tshig gis smon pa'i sems bskyed do/ ! /gnyis pa tshogs bsags pa ni/ lam lnga dang sa bcu bgrod pa ste/ 'dir chos kyi bdag med pa la mos shing tshogs lam gyi rtags chos zab mo la mi skrag pa la sogs pa thob pas grangs med pa gsum gyi dang po rtsom ste/ tshogs lam la 'jug pa'i tshe rgyal po'i pho brang rnam par rgyal ba'i rgyal mtshan zhes bya bar rgyal po tshe rnam par rgyal ba zhes bya ba'i sras| rgyal bu brtson 'grus spyod pa zhes bya bar gyur to/ /de'i tshe de bzhin gshegs pa 'od 'phro ba'i phung po chen po zhes bya ba/ nyan thos phrag khrig phrag bdun cu rtsa gnyis dang bcas pa 'jig rten du byon pas/ tshad med pa bzhi dang bsdu ba'i dngos po bzhi dang / phar phyin drug gis bsdus pa'i byang chub kyi lam yang dag pa bstan par mdzad do/ khye'u des kyang de la dga' ba dang dad pa skyes nas de lo bye ba phrag dgu bcu rtsa drug tu bsnyen bkur ba nas bzung ste/ bskal