[A:337]མི་འཚལ་བ་སྒྲ་ཇི་བཞིན་དུ་བསྒྱུར་བར་རིགས་པ་རྣམས་ཀྱང་སྒྲ་བཙན་པར་བགྱིས་ཏེ་མིང་དུ་བཏགས། སྐད་ཁ་ཅིག་དོན་བཞིན་དུ་གདགས་པར་རིགས་པ་རྣམས་ཀྱང་དོན་བཙན་པར་བགྱིས་ཏེ་མིང་དུ་བཏགས་ནས་ལོ་པཎ་རྣམས་ཀྱིས་རྗེ་བློན་གདན་འཛོམ་པ་ལ་ཞུས་ནས་སྐད་གསར་བཅད་ཆེ་འབྲིང་ཆུང་གསུམ་གྱིས་གཏན་ལ་ལེགས་པར་ཕབ། སྔར་མ་འགྱུར་བ་མང་པོ་གསར་དུ་བསྒྱུར། བསྟན་པ་ཕྱི་དར་ལ་པཎྜི་ཏ་སྨྲྀ་ཏི་ཛྙཱ་ན་ཀཱིརྟི། ཇོ་བོ་ཆེན་པོ་མར་མེ་མཛད། ཁ་ཆེ་པཎ་ཆེན་བསོད་སྙོམས་པ་ཤཱཀྱ་ཤྲཱི་སོགས་འཕགས་ཡུལ་གྱི་པཎྜི་ཏ་དུ་མ་དང༌། ལོ་ཆེན་རིན་བཟང་དང་འབྲོག་མི་སོགས་འཇིག་རྟེན་གྱི་མིག་གཅིག་པུ་མང་དུ་བྱོན་ཏེ་མདོ་རྒྱུད་ཀྱི་བཀའ་བསྟན་བཅོས་མཐའ་ཀླས་པ་བསྒྱུར་ཞིང༌། བཅོམ་ལྡན་རལ་གྲིའི་སློབ་མ་འཇམ་དགག་པ་ཤིས་རྒྱ་ནག་ནས་བཀའ་འགྱུར་རོ་ཅོག་བཞེངས་པའི་ཆ་རྐྱེན་དུ་དངོས་པོ་མང་དུ་བསྐུར་བ་ལ་བརྟེན་ནས་འདུལ་བ་ལུང་གི་མ་དཔེ་སྔོན་མཆིམས་ནམ་མཁའ་གྲགས་ཀྱིས་བཞེངས་པ་དང༌། མདོ་སྡེའི་སྐོར་ཆོས་ཀྱི་རྒྱལ་པོ་འཕགས་པ་རིན་པོ་ཆེའི་ཐུགས་དམ་ལྷ་མིའི་རྒྱན་མཆོག །གཙང་ཆུ་མིག་རིང་མོའི་མདོ་མངས་འདར་ཕྱར་བས། གྲུ་སྤངས་རྩའི་ཐུགས་དམ་འཛམ་གླིང་རྒྱན། ཞ་ལུ་གསེར་ཁང་གི་མདོ་མང་མཆིམས་ཀྱི་ཐུགས་དམ་གསེར་གཞུང་མ། ཕྱུགས་རྒྱལ་མ། དགོན་གསར་མ་ལེ་ཚན། སྤུན་གསུམ་གཙུག་ལག་ཁང་ན་བཞུགས་པའི་མདོ་མང་སོགས་གུང་བསྒྲིགས། ཤེར་ཕྱོགས་རྒྱུད་འབུམ་དང་བཅས་པ་དབུས་པ་བློ་གསལ། སངས་རྒྱས་འབུམ། ལོ་ཙཱ་བ་བསོད་ནམས་འོད་ཟེར། རྒྱང་རོ་བྱང་ཆུབ་འབུམ་སོགས་མཁས་པ་མང་པོས་སྒོ་བསྟུན་ཏེ་གོ་རིམ་འཁྲུལ་པ་མེད་པར་དཔལ་སྣར་ཐང་གི་གཙུག་ལག་ཁང་དུ་བཞེངས། མཁས་པ་ཆེན་པོ་བཅོམ་ལྡན་རལ་གྲིས་དཀར་ཆག་ཉི་མའི་འོད་ཟེར་མཛད། མ་ཕྱི་དེ་ཉིད་ལས་ཚལ་པ་སི་ཏུ་དགེ་བའི་བློ་གྲོས་ཀྱིས་སྐྱིད་ཤོད་ཚལ་གུང་