[A:308]chos mngon pa'i mdzod 'grel pa 'grel bshad dang bcas pa/ mchims pa'i bshad srol ltar ne'u paN chen las brgyud pa rnams rgyas par gsan/ thang sag gi chos grwar sprul sku gzhon nu rgyal mtshan gyi drung du/ rtsa 'jug bzhi gsum 'grel pa dang bcas pa'i bshad pa pa tsab lo tsa ba'i bshad srol ji lta ba bzhin du lan du mar gsan/ slob dpon mkhas pa lo pa shAkya rin chen zhes bya ba'i drung du/ chos mngon pa kun las btus pa 'grel pa dang bcas pa gsan cing mkhas par mdzad do//
g.Yag ston's invitation to sNe gdong
de nas mkhas pa chen po 'di/ mdo smad pa'i grwa pa rnams kyis spyan drang nas rje phag mo gru pa'i gdan sa thel na bshad nyan mdzad kyin yod pa'i tshe/ bdag nyid chen po 'di
dgung lo nyi shu rtsa bdun lon pa/ chu mo bya'i lo yin la/
de'i tshe pho brang chen po sne gdong du dzong ji rgyal mtshan bzang pos gdan sa chen po dpal ldan sa skya nas mkhas pa chen po g.yag phrug sangs rgyas dpal spyan drangs nas chos kyi 'khor lo rgya chen po skor bar yod do// zhes bya ba'i gtam gsan ma thag tu/ rje btsun chen po 'di nyid kyi sku'i ba spu rang dbang med par g.yos/ thugs la dga' ba dang bde ba'i nyams dpag tu med pa shar/ ngag tu a la la ho zhes bya ba la sogs pa'i gsung nyams dpag tu med pa dang bcas te/
de ma thag tu zhal mjal ba la rings par mdzad nas byon pas/ yar lung bya sa'i gtsug lag khang du zhal mjal lo//
de'i tshe sangs rgyas rnams la lhag par byas// de la dge ba'i rtsa ba bskrun// ces dang/ yum 'di gang gi rna lam du grags par gyur pa de sngon gyi rgyal ba la bya ba byas pa'o// ces pa'i skabs dang 'grig pas/ dpon slob gnyis ka thugs shin tu dgyes shing sku skye ba dpag tu med pa'i bshes gnyen yin