[A:119]paN chen nags rin gsung rgyun chos rje chos grags pas mdzad pa sogs/ 'di skor gyi bsgom lung mtha' chod zhi bar nos pas yid tshim/ rmi lam ltar dbang rgyud kyi re ba phyis 'byung ba'i rten 'brel gyi sgo ma log pa rnam grangs du mas rjes su nan tan gyis bsgrubs te/ sngon lo chen nyid thugs sbyong gi tshul la nan tan gyi skabs rtag lung ga thog tu bzhugs dus thugs ka nas nyi ma shar/ snga ris kyi phyogs la song ba'i lo rgyus gsung/ re zhig sdod gsung pa'i bka' bstsal phebs pa'ang nan gyis bzlog/ a ma drin can de yun du mi 'tsho ba'i nges gnas kyi yid shes brdzun med pas sems bskul te pha yul la slar log par brtsams/ lo gsum gyi bar zla ba dgu re'i rin so sor bsdud pa'i rnal 'byor la mnyam gzhag brtan pa dang/ zla ba gsum ma nges pa'i phyogs mtha' dag tu maN bskul gyi 'gro don gang khyab che'i sgo nas yi ge drug pa dung 'gyur brgya rtsa brgyad 'grub nges pa'i dam bca' snying thag pa nas zhum pa med pa'i sems kyis blangs/ phyag dpe phyag bris su 'khod pa thams cad kyi phyi mo zhus te yar phyogs la 'gro ba'i skabs/ byin rlabs zil chen rgyas pa'i lo chen snying gi thig les skyel thung gnang/ bdag cag dpon slob gzhung la 'gro ba'i phyogs kyi re rtse'i thad shin tu ring bar yun ring po'i bar gdan chags pa mthong bas yid dga' mgu rangs pa'i gdung shugs snying nas skyes/ de nub bsam 'grub dga' ldan du nyal/ sang snga bar byang phyogs shaM bha la'i mdun sa ga la ba der phyin/ nye ba'i yid can mtsho'i 'gram gyi ne'u sing der tsog bu phubs gtad de dus rigs ldan chos kyi rgyal po yab sras dang zhal