[A:208]ma tshim ste//
da dung chos rgyun ting 'dzin ma thob par//
thos pas ngom pa med 'di kho bo'i gshis//
rtogs brjod lo zlas bcings pa'i rang blo'i zol//
snyed pa chos la bgyis pa'i bden pa'i gtam//
dam pa'i tshogs las zhar nod bka' lung dag//
gzhan la tshegs med 'doms pa'i mthu ldan su//
dpyod ldan gzu gnas mdun du tshur byon dang//
rang nyams blo gros lang tsho'i dkyil 'khor dang//
yon tan rgyan phreng ldan pa'i mig mchis na//
yin min so sor 'byed tshe gsal bar rtogs//
bdag ni 'di nas byang chub snying po'i bar//
phyogs re'i mig can chos spong khur len pa'i//
bstan pa'i chos rkun nyid du ma gyur ces//
dag pa'i smon lam snying nas 'debs pa lags//
gang gi skye ba 'dzin tshe 'ang dag pa'i chos//
de nyid spel la blo yi mthu thob ste//
yongs rdzogs thub pa'i bstan pa rin po che//
rtsod pa'i dus 'dir slar yang rgyas byed shog//
ces sngar brjod pa'i zur 'debs mdzes par byed pa'i rgyan 'di yang/ mi dbang yab sras 'di gnyis kyis bskul ba'i ngor/ dge slong bsod snyoms spyod pa/ shrI wan a nanta mukti ba ra pu tsi tra sA ga ra se nas/ dpal khri khang gi yang rtse chos rgyal pho brang du sbyar ba'i yi ger bkod pa'i bgyi ba po yang/ dad ldan shes rab blo gros rnal 'byor spyod pa'i sdes bgyis so// //
rnam thar yang rgyan nor bu'i phra bkod/