[A:16]
dge ba 'ba' zhig la sku tshe 'khyol bas tshe ring ba'i mchog zer ba yin/ mi tshe sdig la phyin na dmyal ba kha ma khengs pa zer/ sdag la phyin na tshe ring pa zer/ de 'dra la tshe ring ba'i mchog mi zer/ nad med pa rnams kyi mchog tu gyur pa ni/ sku lus 'byung ba'i cha snyoms shing / nad gcong med sku tshe sha la gzims mal du tshud pa'i bsnyung gzhi gcig lab ma byung zhing / rgyun par sku khams bzang / zo mdog bod/ sku 'da' ba'i dus su 'ang smon lam gyi 'phon pa rdzogs pa ma gtogs/ snyung gzhii drag po ma byung bas bdag gzhan thams cad bde ba la reg par gsungs pa yin no/ nor dang ldan pa rnams kyis mchog tu gyur pa ni/ spyir dge 'dun 'tshal pa bas 'byor pa dang longs spyod che ba/ dbang dang mnga' ris che ba/ dbus gtsang na'ang 'tsham pa ci yod/ 'on kyang / gnyen gnyen 'dun/ 'khor g.yog // bran 'bangs/ mnga' ris la sogs chos dang mthun zhing longs spyod ches phyogs su'o/ skye bo yongs kyi rten gzhi byed/ chos dang ldan pa'i chos kyi sde chen po'i bdag por gyur pas/ rang gzhan gyi chos kyi bya ba 'phel zhing / mos las 'gal ba shas chung la/ 'jig rten gyi bya ba spyad pa rnams kyang dgos pa'i dbang gis dam pa'i chos su 'gyur ba/ brlabs po che'i sems bskyed pa dang ldan pa'i gang zag gi spyod yul du gyur pa la spyod pas mchog tu gyur pa zer ba yin no/ chos dang mthun pa ma yin pa'i longs spyod chen po can rnams ni/ sngon gyi bsod nams legs par 'dzad pa zhes bya yi/ nor dang ldan pa'i mchog ces mi bya'o/ skal bzang ba rnams kyi mchog tu gyur pa ni/ gzhan thams cad las kyang /