[A:17]
ches mchog yin te/ bsod nams cher bsags pa la zer ba yin mod/ sku tshe dpag tu med par bsod nams kyi tshogs bsags pas/ sku tshe 'dir 'jig rten gyi dgos 'dod dpal dang 'byor pa mthu dang dbang phyug la sogs gang 'kho ba dang / ci bsam pa'i don thams cad 'bad mi dgos par lhun grub tu brgyad 'dod dgu/ bde log 'gyur log tu byung ba yin/ mi 'dod pa dang / mi mthun pa'i thams cad rang zhan gyis zhi zhing / byung dogs pa'ang mi dgos pa yin/ 'jig rten las 'das pa'i dge ba'i phyogs kyi mthun rkyen/ dge ba'i bshes gnyen/ yang dag pa'i gdams pa/ lung dang rtogs pa'i yon tan/ dus gnas 'dzoms pa'i rten 'brel/ dus la 'bab pa'i gdul bya/ snang srid rgya thogs kyi 'gro don/ don 'dra phun sum tshogs pa'i yo lang thams cad dngos grub yon tan skyel du byung ba yin/ dge ba'i phyogs la gegs dang bar du gcod pa gang yang ma byung ba yin/ bsod nams chen pos dpal gyis bskyabs pas/ drung rin po che 'di'i sku tshe'i bar la/ tshal pa'i chab srid kyang 'dra ma nyams/ zur ma chag // dar rgyas je che je cher song ngo/ rgyal khams byin du'ang khrims 'jags shing / nad mu ge/ dmag 'khrug sogs mi bde ba rtags mtshan ma byung / khyad par du'ang bya ba mdzad ring lo nyi shu rtsa zha gi bar du/ dbus gtsang du mi dpon bzang po rnams byung / khrims dam/ thams cad skyid pa'i dpe thub par byung ba yin/ mdor na sku'i bsod nams shin tu che/ mi chos lha chos/ tshe 'di phyi/ rang don gzhan don thams cad 'dzoms pa khong tsam yin/ 'di 'dra gzhan/