[A:18]
na med ces nye ring kun grags pa 'di la skal ba bzang po yin mod/ bsod nams med pa'i mi des ci byas kyang mi yong bar gda'/ 'khor los sgyur ba'i rgyal po'ang bsod nams bsags pa las byung ba yin par gda'/ shes rab che ba rnams kyi mchog tu gyur pa ni/ sku tshe dpag tu med par thos bsam sgom pa las byung ba'i shes rab dang / yi shes kyi tshogs bsogs/ sgrib pa bsrabs pas/ chos dang 'jig rten gyi cha gang la'ang gzigs pa dang gsan pa tsam gyis thugs su lon/ mgo smos tsam gyis rnams spros go/ rnam 'gyur tsam las rgyun shes rig // zab mo gting dpogs/ rgya chen po blo ngor shong / 'dres pa so sor 'byed shes/ 'thor ba gcig tu bsdud shes/ dbang po rnon po'i gdeg yin mod/ dbang po rno po yang shes rab log par song ba yang yod/ chos tshul gnyis ka'i yin lugs de shes/ skyon spong shes/ yon tan sgrub shes/ rang gzhan kun la phan pa'i byed shes pa de la yang dag pa'i shes rab zer bas/ bdag nyid chen po 'di la yod pa yin/ ma nor ba'i shes rab yod tsang / dkon mchog gi yon tan shes pas dad pa/ 'khor ba'i nyes dmigs shes pa'i nges 'byung / sems can gyi sdul shes pas snying rje/ spong sgrub kyi 'brus shes par brtson 'grub/ de thams cad la the tshom med pas spobs pa'ang yong bar gda' ba/ de thams cad skyes bu dam pa 'di la tshang bar bzhugs pa lags/ mtho ris kyi yon tan 'di dag 'ga' re mchog tu gyur pa mang mod kyi/ thams cad 'dzoms pa ni dkon te/ chos rje sa skya pan tis legs par bshad pa