[A:19]
las/ rdzing nang chu yis khengs pa na// phyogs gcig nas ni 'jig pa ltar/ gang la nor dang ldan gyur pa// de la rigs brgyud shin tu dkon// bu dang ldan na nor chen dkon// de dag ldan na dgra bos 'joms// thams cad phun sum tshogs gyur nas// mi de myur du 'chi ba mang // zhes pa ltar/ gang yang rung ba dang mi ldan na/ mtho ris kyi lus yon tan ldan pa'i mchog ces mi bya'o/ de ltar/ skyes thob dal pa'i stobs phul tu byang / legs sbyang gtsug lag tshul gnyis thugs su chud/ sgo gsum spyod pa rmad byung dad ldan/ skyon med yon tan rdzogs la phyag 'tshal lo/ skye bu chen po 'di sku skye ba dpag tu med pa nas/ skyon spong ba dang yon tan sgrub pa la/ bag chags goms pa byed pa'i rgyu mthuun pa'i gong du smos pa bzhin du dam pa'i yon tan rnams skye bas thob nas lhun grub tu byung ste/ bu chung gi dus sung rang bzhin gyi gtsang sbra che zhing / bag yod la thugs gzhi legs pas/ bu chung gzhan ltar/ rnabs dang mchil ma mi gtsang ba bab col du 'dor ba dang / nu zho dang zas la ha cang sred pa dang / rtsed mo la ha cang dga' ches pa'i rnam pa la sogs bag med kyi spyod pa ye mi mnga' zhing / gsang ba'i gnas rnams sbed/ mi gtsang ba 'dor ba gzhan gyis mthong dgos pa byed/ khas lum bu nod pa la'ang mi dga'/ res 'ga' ting nge 'dzin yod pa lta bu'i lta stangs byed cing / rtsed mo rnams kyang lha dang mchod pa 'bul ba dang / dbyangs dang chos nyan bshad/ dbang bskur ba sogs kyi rnam pa 'ba' zhig byed/ na bza' la sogs gzhan la ster ba la dgyes/ rtsed