[A:20]
grogs rnams kyis grog sbur la gnod pa byed pa mthong na stobs ci yod kyis bzlog cing / ma nyan na bshum/ ma dang slon dpon rnams la zhe sa gtong zhing / spyod lam gang bslab pa nyan/ gzhan gyi brdeg pa dang / spyos kyang mi khro zhing lan mi zlog // 'on kyang rig pa'i ngar dang blo stobs che zhing / 'jigs pa dang bag tsha ba'i rnam pa med/ shin tu yid bzo bas gzugs brnyan rnam pa lha bzos pa 'dra ba thon/ gzhan gyi yon tan mthong ba tsam gyis lobs/ dge mi dge ba'i las rmi lam du gsal bar 'char ba gcig byung skad/ rang bzhin gyis pha ma dang rgan rabs la gus pa/ drin chen la bzo ba/ nyams chung la byams pa/ blo gtad la mi slu ba/ dka' ba la mi skyo ba/ bya ba la 'grus pa/ thabs la mkhas pa/ 'grogs la gzhung bzang ba/ legs nyes blang dor byed pa/ 'phral phugs la spyan rgya ring ba/ phra mo la rtog dpyod zhib pa/ chen po la 'phrul bag che ba/ mkhas pa'i skye bo ya rabs 'dzangs pa zhes bya ba yin/ sku chung ngu nyid nas yi ge klog pa/ 'bri ba/ rtsis la sogs rig pa mtha' dag slob pa las shin tu yid gzhungs shing 'grus pa/ slob dpon la gus shing gdams la ched cher 'dzin pas/ tshogs chung ngus phul tu phyin par mkhyen te/ ring po po mi thogs par 'jig rten lugs kyi gtsug lag dang / dam pa'i chos kyi gtsug lag gi tshul gnyis ji ltar dgongs shing thugs su chud par gyur pa ni/ sngon gyi sku tshe rnams su bslab pa legs par sbyangs pa'i byed pa'i rgyu mthun pa las byung ba yin no/ bdag nyid chen po 'di'i rigs pa'u mthu las 'phel te/ yul gyi mthil 'dir bstan pa la bzhugs pa rnams