[A:51]
rgyud bla ma'i bstan bcos las/ 'khor dang mya ngan 'das la de'i/ sdug bde'i skyon yon mtho ba de/ rigs yod las yin gang phyir de dang / rigs med la de med phyir ro/ zhes gsungs pa ltar zhes gsungs pa ltar/ thar pa'i rigs chad pa rnams 'khor bar sdug bsngal ji tsam myong yang skyob tu mi yong / thar pa'i bde ba g.yos nas ster mkhan byung yang khar mi 'gro ba gda'/ skyes bu chen po 'di sku tshe dpag tu med pa nas thar pa'i cha dang mthun pa'i dge ba'i bag chags bsags pas/ thar pa'i rigs rgyas par gyur pa'i phyir/ 'khor ba'i skyon rgyu nyon mongs lam zag pa dang bcas pa 'di las/ 'bras bu sdug bsngal gsum rgyun mi 'chad pa de rig cing gzigs/ thar pa'i yon tan/ rgyu bde gshegs snying po/ lam tshogs gnyis zung 'brel/ 'bras bu don gnyis phun sum tshogs rgyun mi 'chad pa de rig cing gzigs pas/ thog ma nyid 'jig rten gyi grogs dang mi phrad chags sdang gi gtam mi thos/ 'du 'dzi dang 'brel ba med par lto gos phal pa tsam gyis chog shes shing / gcig bur ri khrod 'grims nas sgrubs pa rtse tu byon pa yin na dga' ba la bsam pa rtag par skye/ 'jig rten gyi bya ba/ ming / bod pa 'di tsho la rtag par 'tsher ba dang / sdug pa'i 'du shes min pa med/ 'on kyang bstan pa'i gzhi mo 'di blos btang na gyi sems su song dgos pas/ bzod pa bsgoms shing sdug bsngal sran bskyed dgos byung ba yin mod gsung / de'i phyir 'jig rten gyi bya ba mdzad dus nyid nas/ bla ma bzang tshad bsten/ chos thob tshad zhu/ phyag dpe 'dug tshad gzigs/ slob gnyer lcogs tshad mdzad/ dge ba'i bshes gnyen