[A:53]
thams cad dang chos kyi 'brel gtam mdzad pas/ sa lugs/ 'tshal lugs/ rtog lugs la sogs kyi cho ga lag len 'du rnams thams cad sku gzhon dus rang gnas byang por mkhyen zhing mnyel ba mi mnga'/ skabs nam byung gi sku mtshams mdzad/ de'i long med kyang nyin mtshan don med du ma zad par/ thugs dam chos spyod 'ba' zhig mdzad/ dpon slob yon mchod/ dpon g.yog gi 'brel yod pa tshe las 'das tshad la kun rig gi cho ga tshar drung pa rang gis mdzad pa'i dam bca' gda'/ gzhan la ni mi gsung / bar skabs kyi skyid dang skyo bsangs de skye bo gzhan bzhi nas/ ston mo bza' btung rtsed 'jo la sogs la mi mdzad pa ri khrod bskor ba dang / chos kyi yo lang la mdzad pas/ 'jig rten gyi bya ba mdzad dus ngang rgyud kyi zhi dul yang / chos pa phal bas che/ bslabs shes kyi yon tan yang dge sems phal bas mkhas/ cho ga lag len yang sngags phal bas byang / sgom byung gi nyams myong yang sgom chen phal bas bzang bar gda'/ 'on kyang phyim pa'i tshul 'dzin dus su/ bstan pa la rnyas par gyur dgos pas yon tan thams cad sbed cing / su la'ang khyad du yi gsed/ skyon mi 'dogs/ gzhan la tshos mi gsung / chos mdzad thams cad mchod gnas/ bdag nyid slob ma'am sbyin bdag gi tshul du mdzad pa lags/ des na chos sgor zhugs tshar/ thams cad sgo gsum 'di las dbogs 'don/ dmod pa 'dra ba gcig gda' na'ang / bde mchog sdoms pa 'byung ba'i rgyud las/ mi ru skyes pas 'bras bu'i dam pa dang pa ste/ rang gi khyim nas nges 'byung rnyed pa gnyis pa yin/ rab tu byung nas/