R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:6b]pas dge bcu tshang ba dka' ba yin no zhes bshad do/ /rje 'dis bsam yas kyi chos rgyal khri srong lde'u btsan gyi thugs zin pas nang blon bcol/ dpal 'byor shin tu 'phel bas 'khon dpal bo che zhes bya bar grags shing 'khon gyi mtshan grags de de nas byung ngo / /'dis glang khams pa lo tsA ba'i lcam mo glang bza' ne chung ma khab tu bzhes pa la sras gnyis 'khrungs pa'i che ba la/ 'khon lo tsA ba klu'i dbang po bsrung ba/ chung ba 'khon rdo rje rin po che zhes bya zhing / 'dir rje btsun chen po'i sa chen gyi rnam thar las/ sgra bsgyur gyi lo tsA ba sad mi mi bdun zhes bya ba las/ gzhon gsum gyi nang nas mkhas par byed pa 'khon klu'i dbang po zhes bya ba yin no/ /de'i gcung phal pa zhig la sras yon tan gyis phyug pa rdo rje rin po che zhes bya ba byung ngo zhes gsungs pa'i rjes su 'brangs nas/ ya rabs kha rgyan sogs
nyi lde/ mus srad pa/ ngo mtshar snang ba sogs
gdung rabs kha cig tu/ khri mdzes lha legs/ tshe lha dbang phyug klu'i dbang po/ tshe 'dzin dang bzhi byung bar bshad pa dang / yang kha cig tshe 'dzin dang rdo rje rin chen gcig
nyi lde gdung rabs las bshad
par 'dod pa dang / de gnyis
ya rabs kha rgyan dang /ngo mtshar snang ba/ gtsang byams pa'i gdung rabs rnams las yab sras su bshad/
yab sras su 'dod pa sogs mang du snang yang / rje btsun rin po ches mdzad pa'i 'khon gyi gdung rabs las/ 'khon klu'i dbang po bsrungs pa zhes bya ba ni sad mi mi bdun gyi yab gcig lags/ de'i gcung po 'khon rdo rje rin po che slob dpon padma 'byung gnas kyi slob ma bsten sngags par bzhugs pa yin zhes