R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:7a]dang / kun mkhyen chen po'i gsung rab dgongs gsal las/ lho pa kun mkhyen dang / bde ba can pa ye shes mgon po gnyis kyis kyang rdo rje rin po che klu'i dbang po'i gcung du bzhed par bshad pa dang / gzhan yang gdung rabs che
stag tshang gdung rabs dang bla ma dam pa'i dngos slob shes rab rdo rjes mdzad pa'i gdung rabs sogs
phran mang po zhig mthun par de ltar du 'byung zhing / rje btsun gyi bla ma sa chen gyi rnam thar las/ de'i gcung phal pa zhig la zhes pa'i don rdo rje rin chen klu'i dbang po'i gcung gi sras su bshad pa ltar na tshe 'dzin phal pa dang / de'i sras phal pa ma yin pa lta bu zhig bstan dgos la de ltar na yab sras gnyis po de phal pa yin min gyi khyad par 'byed dgos pa las/ de ni shin tu dka' bar snang bas des na de'i gcung phal pa zhig la zhes pa ni yi ge ma dag pa'am/ yang na klu'i dbang po de'i gcung po ni yum phal pa zhig la 'khrungs pa'i sras yon tan gyis phyug pa/ mtshan rdo rje rin chen zhes bya ba de nyid yin zhes pa'i don yin te/ rje btsun gyi 'khon gyi gdung rabs dang / ga ring rgyal po la rtsis bsdur du gnang ba'i yi ge gnyis ka las/ rdo rje rin chen klu'i dbang po'i gcung du bshad pas/ rje btsun gyi gsung rab la nang 'gal mi srid pa'i phyir/ des na gcung du 'dod pa de bzhin 'thad pa yin zhes sa lo chen po'i gsung las 'byung ba ltar sngags 'chang chos kyi rgyal po yab sras rnams kyang bzhed pa lags/ de yang klu'i dbang po bsrungs pa ni rgya gar shar phyogs za hor gyi mkhas grub chen po gangs can gyi dpal mgon mkhan chen zhi ba