[A:69a]shes rab chung rnams phung bar 'gyur/ /so sor rtog pa'i shes rab kyis/ /ma dpyad par snang zhen gyi chos/ /ci yang med par 'dzin pa dang / /mthong yul 'gag pa'i stong nyams shar ba'o/ /zhes gsungs so/
thal byung lhag mthong gnyis/ /ngan 'gror ltung ba'i rgyu chen te/ /legs 'dod rnams kyis spangs na legs/ /sems rgyu mi gsal zhi gnas dang /sems kyi rgyu ba mi gsal bar lhag mthong shas che ba'i stobs kyis ngang gis dmigs pa la gnas pa'o/ /'di'i don mngon pa la sogs par gsal ma dpyad par chos thams cad nam mkha' dang sems ci yang med pa dang yod min med min ngo 'phrod nas nyams shar ba'o/
/gzugs snang bkag pa'i lhag mthong gnyis/ /gzugs med skye ba'i rgyu chen te/ /thar 'dod gzugs med du skye ba'i mi g.yo ba'i las bsog pa'o/
rnams kyis spangs na legs/ ting nge 'dzin bsgom pa'i tshe ci yang mi dran par yun ring du gnas pa'o/
/dran tshor med pa'i zhi gnas dang / mig la sogs pa'i rnam shes tshogs drug rgyu ba mi gsal ba'o/
/tshogs drug bkag pa'i lhag mthong gnyis/ /nyan thos 'gog pa cha mthun te/'gog pa'i snyoms 'jug dang 'dra ba'i nyams skyes pa'o/
/mchog 'dod rnams kyis spangs na legs/ /shin sbyangs bde ldan zhi gnas dang /mdo sde rgyan las/ des na de yi lus dang sems/ /shin tu sbyangs pa ches gang nas/ /yid la byed pa can zhes bya/ /zhes gsungs so/
spros kun nyer zhi'i lhag mthong gnyis/ArYa de wa'i zhal snga nas/ yod min med min yod med min/ /gnyis ka'i bdag nyid min pa'ang min/ /mtha' bzhi las grol don gyi mchog /de ni dbu ma pa yi lugs/ /zhes gsungs so/
/phar phyin theg pa'i lam chen te/ /rgyal sras rnams kyis bsgrubs na legs/ /mtshan rtog sangs rgyas ye shes zhabs kyis/ tha mal kun rtog rgyu ni ma gtogs