[A:69b]pa/ /srid pa'i 'ching ba gzhan ci yod min te/ /de dang rnam par 'gal bar gyur pa'i sems/ /gang yin de ni kun tu rtogs mi 'gyur/ /zhes gsungs so/
/nyer zhi'i zhi gnas dang / /bde stong zung 'jug lhag mthong gnyis/spyan ras gzigs pad dkar gyis/ /phra rab rdul gyi chos nyid 'das/ pra phab pa yi rnam pa can/ /rnam pa kun gyi mchog ldan pa/ /phyag rgya chen po mi 'gyur bde/ /zhes gsungs so/
/gsang sngags phyag chen lam mchog ste/ /tshe 'dir grol 'dod bsgrubs na legs/ /tshigs su bcad pa lnga po 'di'i don khongs su chud na phyag rgya chen po dag pa dang ma dag pa shes par 'gyur bas 'di la dpyod mdzod gsung gin 'dug rnal 'byor pa phru ma pa la gdams pa'i tshigs su bcad pa lnga pa bi jis mdo khams smad gling khar bris pa'o/ /dris lan gyi rim pa gsum po 'di sngon chad dar bar ma byung yang / mdo khams nas rdo rje 'chang kun dga' dbang phyug gi phyag tu byung ba la bris pa yin no/ /zhes gsungs so/ /
mchan bu 'di yang chos rje pa'i gsung ji lta ba bzhin bi jis bris pa'o zhes 'byung zhing / yang mdo srang du phebs pa'i tshe mi cig gis dar nag po gcig la gser gyi thig le mang po byas pa zhig phyag rten la byung ba de lha rje bi ji la gnang nas/ 'di khyod rang tshags gyis/ nam mkha' dwangs pa la skar ma bkra ba lta bu'i bstan pa cig 'u cag la yong ba yin gsungs/ sa skya pas ring bsrel bkag zer ba yod pa la/ de yang / ring bsrel phal cher gdon las byung / dkar po'i phyogs kyis byas pa'ang srid/ 'byung bzhi dag gis bskyed pa'ang yod/ /'phags pa gsum gyi ring bsrel ni/ /yon tan stobs kyis 'byung ba ste/ /'byung khungs nas byung rin chen 'dra/ /de la