[A:70a]grangs ni brtsi rgyu med/ /mi 'grib 'phel ba'i ring bsrel yin/ /zhes bya ba yin la/ nga la rten 'byon na grangs brtsi rgyu med pa cig 'byon pa yin pas khyed rang tshags gyis la/ dar 'di de'i na bza' gyis zhes gsungs shing / yang ngas ku re byas pa yin mi la ma zlo sdig pa gsog pa'i rgyu yin gsungs zhes kyang gsungs so/ /de nas rim gyis 'gro ba'i mgon po chos kyi rgyal po 'phags pa rin po che dang / chos kyi rgyal po se chen gan yon mchod du 'brel te/ rgyal po 'di'i 'og gi skad rigs mi gcig pa'i rgyal khams dkon mchog gsum gyi sgra mi grag pa'i phyogs rnams su yang dkon mchog la dad pa skyes nas las 'bras la blang dor byed pa dang / hor rnams kyang theg pa chen po'i sems bskyed dang dbang bskur zhu ba dang / dkon mchog mchod cing sems can la phan pa bsgrub pa dang / sdig to mi dge ba'i las lam cha shas kyi spangs nas lam bzang po la 'jug pa dang / khyad par bod dang / yu gur dang / mi nyag sman rtse la sogs pa rang rang gi mnga' 'og na yod pa'i rab tu byung ba dang / sngags pa sogs yon tan can gyi mi rnams la dmag khral las gsum gyi 'tshe ba med cing / bza' ba dang / btung ba dang / bgo ba dang / gser dngul/ gos dar la sogs pa'i dbul ba bzang zhing grangs mang ba yang nas yang du 'bul ba dang / gug shrI sogs kyi ming bzang po byin nas bkur sti rgya chen po byas te/ rgyal ba'i bstan pa rin po che rnyed pa dang bkur sti bcas te yun ring du gnas pa dang / gzhan yang hor gyi