[A:8a]'dul gyi bu mo 'bro bza' g.yang lon skyid khab tu bzhes pa la sras bdun byung zhing / zhang po de bod kyi gyad pa'i brgyud yin pas zhang rigs kyi sku rtsal shin tu che bar byung / de'i tshe 'brog gnyan rtser ltad mo nyi ma gsum byung ba la sku mched bdun pos rta dang lus chas nyin re bzhin re re spos te/ de yang nyi ma dang po la rta dkar ber dkar/ gnyis pa la rta dmar ber dmar/ gsum pa la rta nag ber nag tu byas te rta rgyugs tshab 'gran byas pas/ khrom thog chod pa byung ba na zhang po la 'gras 'dzugs par go nas zhang pos dmag bsags 'thab mo byed zer byung ba la/ khong rnams kyis gcig par zhang po yin/ gnyis par khyim mtshes yun ring 'grogs nas/ rgyal khams yangs po la dog 'tsher byed don med zer nas/ che ba mnga' ris mang yul du byon/ de 'og mnga' ris gung thang / de 'og srad/ de 'og gnyal lo ro/ /de 'og nyang shab tu byon te yul so sor bzung bas/ de rnams las gyes pa'i 'khon tsho mang du 'phel te grags chen ma byung / chung bas pha yul rang du bzhugs/ 'bro dang 'khrug pa yang sprad/ de las gyes pa gnyan rtse rang na ma khrigs sde gsum du grags pa byung ngo / /drug pa shes rab yon tan gyi grom pa g.ya' lung du bzhugs/ de la sras gnyis byung ba'i chung ba khab so stag thog tu byon/ de las gyes pa la stod byang gi 'khon tsho rnams yin/ che ba yon tan 'byung gnas kyis yab mes kyi chos brgyud bzung la/ de la sras gsum byung ba'i tshul khrims rgyal pos grom par bzhugs nas chos kyis gdul bya