[A:7b]'tshos bod la rab byung rung mi rung nyams sad pas/ rung bar gzigs nas gnang pa'i bod kyi rab byung gi thog ma sad mi mi bdun du drags pa lo tsA ba khyad par can sprul pa'i gang zag bdun la/ rgan gsum/ gzhon gsum/ bar pa gcig rnams byung ba'i gzhon gsum gyi bar pa 'khon nA gendra rakShi ta zhes bya ste/ bod skad du klu'i dbang po bsrungs pa'o/ /kha cig 'di khong rang gi zhang po las rab tu byung zhes zer ba ni sad mir 'dod pa dang 'gal te/ sad mi bdun la sad mi zhes pa'i rgyu mtshan/ mkhan chen zhi ba 'tshos bod la rab byung rung mi rung nyams sad pa na rung bar dgongs nas/ de'i drung du rab tu byung zhing bod du rab byung gi thog ma yin pas na de skad ces bya la/ glang khams pa lo tsA ba ni sad mi mi bdun gyi bar pa bde gshegs go cha bsrungs pa zhes grags pa de nyid yin pas/ de'i drung du rab tu byung na 'khon 'di sad mi ma yin par 'gyur te/ 'di'i thog mar bod kyi rab byung byung bar khas len dgos pas so/ /rgyu mtshan de'i phyir na mkhan chen gyis sdom phrug tu bshad pa 'di nyid 'thad pa yin no/ /des na mkhan chen dang zhang po la chos mang du bslab/ lo tsA legs par mkhyen/ slob dpon chen po padma las kyang gdams ngag nod/ yer pa'i brag la sgrub pa mdzad pas grub pa thob/ mkhas grub kyi grags pa cher byung bas 'khon chos kyi che ba'i thog ma yin no/ /gcung rdo rje rin po ches kyang slob dpon padma las gsang sngags rnying ma'i chos mang du gsan zhing bslab/ grub pa yang ci rigs thob/ mtshan grags thon/ 'di'i yab yul du 'bro dgra