[A:76b]lnga la mchod pa la phyin pas thams cad kyi rmi lam du da lta ri bo rtse lnga na 'jam dpal mi bzhugs/ ling chu rtse khab na chos gsung gin yod zer ba mthun par rmi ste/ sad pa na mi rnams kyis the tshom med par ling chur 'ong pas/ chos rje nyid byang chub kyi mchog tu sems bskyed pa gsungs pa dang mjal te chos thob bo zhes yongs su grags so/ /yang chos rje nyid dang / hor rgyal po go dan gnyis 'bel ba'i bka' mchid mang du byung ba'i 'phros shig la/ mdo sde gser 'od dam pa'i lung gis/ rus sbal la spu mi 'byung ba'i tshul bsnyad pas/ de sun dbyung ba'i phyir rgyal pos/ chos rje pa la pags pa 'dom skor tsam la spu ring po 'ja' tshon gyi ri mo yod pa zhig gzigs phul bas/ bdag nyid chen pos gsung gis/ 'di ni rus sbal gyi pags pa ga la yin/ 'di ni chu la gnas pa'i sems can gyi don bya ba'i phyir/ byang chub sems dpa' rus sbal 'dra ba'i gzugs can gyis 'byon par gsung rab las bshad pa gang yin pa de nyid kyi pags pa yin/ de'i rgyu mtshan ston shes kyis bstan nas blta shes kyis bltas na pags pa 'di'i ngos la sangs rgyas stong dang byang sems nye ba'i sras brgyad kyi sku brnyan gsal bar yod gsungs nas de dag bstan pas/ der lhags pa'i skye bo kun ngo mtshar du gyur cing / rgyal po cung zad skyengs te lan zhig bya dgos snyam nas blon po rnams la bka' bgros te/ sgyu ma mkhan rnams rdzas sngags kyis sgyu ma sprul du bcug pas/ sngar med pa'i yul yid du 'ong ba zhig na gtsug lag khang sogs dgon pa'i rnam pa ngo mtshar can