[A:79b]kyang gros byed/ de nas rang yul 'ongs nas rang gzhan thams cad la phan par 'ong / spyir ngas kyang na ning nas mi btang nas 'di ltar byas na legs byas nas gros bstan pa/ khyed rang rnams kyis kyang de bzhin byed pa'i rigs su med pa 'dug brlag pa'i rjes la khyed tha dad tsho ci zer nyan pa cig 'dod pa yin nam/ ci zer ba yin yang ma go /phyis sa skya pa hor gseb tu song ba yin te nged la ma phan zer ba de mi gsung bar zhu/ ngas bdag pas gzhan gces pa'i bsam pa byas nas/ bod skad smra ba thams cad la phan pa'i phyir du hor gseb tu 'ong ba yin te/ nga ci zer la nyan na phan par 'dug khyed rnams kyis 'di'i snang tshul ma mthong / thos pa rnams la yid ches pa shin tu dka'/ de'i stobs kyis da dung btub par 'ong snyam ste/ bde ba'i 'phro la glo bur du 'dres mnan pa lta bu'i 'thib gnon cig byung nas dbus gtsang gi bu tsha dang mi la sogs pa hor gseb tu song gis dogs/ nged ni legs nyes ci byung yang nga la 'gyod pa med/ bla ma dkon mchog gi byin rlabs dang bka' drin gyis da dung legs po 'ong ba'ang srid/ khyed rang rnams kyang dkon mchog la gsol ba thob/ rgyal pos nged la su dang yang mi 'dra ba'i thugs la btags/ de'i stobs kyis rgya bod/ yu gur/ mi nyag la sogs pa'i dge bshes mi chen/ yul mi gcig pa thams cad kyis ngo mtshar che snyam nas chos nyan pa dang gus pa che ba 'dug nged 'dir 'ong ba rnams la hor gyis ci 'dra byed snyam pa'i dogs pa mi dgos/ thams cad kyi thugs la btags nas bzang por yod