[A:80a]pas/ nged kyi phyogs nas thams cad blo bde bar bzhugs pas chog 'dab nor la gser/ dngul/ glang po che'i mche ba/ mu tig rdog po che ba/ mtshal/ btsod/ ru rta/ gi wang / stag gzig gung gsum/ sram/ bod snam/ dbus phrug bzang po/ 'di na de tsho dga' bar 'dug spyir nor la 'dir gtsigs chung yang rang rang gi yul na gang bzang gi nor rdzas 'ong bas chog pa yin/ gser yod na gang 'dod 'ong bar 'dug pas dgongs mdzod/ sangs rgyas kyi bstan pa phyogs mtha' dag tu rgyas par gyur cig mangga laM zhes zhes pa'i gsung shog gnang ba dbus gtsang gi grwa bu slob sbyin bdag dang bcas pa sogs skye bo thams cad kyis mthong bas so sor dga' mgu yi rang zhing yid spro ba mchog tu thob par mdzad pa yin no/ /de lta bu'i bla ma rtsod pa'i dus kyi thams cad mkhyen pa gnyis pa de dgung lo bdun cu'i bar du rgyal ba'i bstan pa dang / sems can dpag tu med pa smin cing grol bar mdzad nas/ mthar gzugs kyi sku'i bkod pa ji ltar bsdu ba'i tshul slob dpon bi ji ba'i gsung ltar brjod na/ lcags mo phag gi dus su gzhan don la bzhud pa'i dus su tha skar gyi zla ba la ltas chen po bco brgyad byung / tha skar gyi tshes brgyad kyi nyin par sa g.yos chen po byung / bdag bi ji lha rjes rgyu mtshan zhus pas/ rgyal ba'i sras su gyur pa chen po rnams gzhan don la 'gro ba'i ltas yin/ 'u cag kyang de'i rjes su 'jug pa 'dra gsungs/ nyi shu dgu'i nam phyed na longs sku'i cha lugs sgra dbyangs mi zad pa sgrog pa'i rgyal po