[A:80b]mngon sum du byon/ sku mdog dkar po zhal gcig phyag gnyis pa byon nas/ khyed kyis spos phul gsungs nas bdag gis spos phul/ tho rangs kyi dus su spyan ras gzigs dbang zhal bcu gcig pas byin rlabs mdzad pa'i snang ba byung / spos phul gsungs pas bdag gis phul/ smin drug gi zla ba'i yar tshes drug gi nyin sgra sna tshogs bsgrags/ bdag drung na yod pas/ lha khang gi nang na rnam rgyal mchod pa byed mi rnams yin nam zhus pas/ lha khang na rnam rgyal byed pa la bltar song gsungs/ de ltar phyin bas khong rnams kyis kyang sgra thos zin ci yin nam khyed zhur song zer bdag gis zhus pas/ lha'i bsu ba mang po byung mchod pa gyis/ da rang gzhan gyi don la 'gro dgos pa yin gsungs/ me tog gi char yang sa la 'bab rgyu med pa nam mkha' la mang po byung / tshes bcu gsum gyi nyin par gdugs la bzhugs pa'i dus su nyi ma yod 'phro la sprin dkar po legs pa cig nar gyis byung / nam mkha' la phyag mdzub gtad nas bzhad cig mdzad nas/ khyod kyis e mthong gsungs/ bdag gis ma mthong shin tu sems dga' ba cig byung zhus pas/ sdig shas chung bar 'dug ste/ 'on kyang sdig pa dri ma 'dra bas sdig sbyong gyis gsungs/ sangs rgyas bcom ldan 'das seng ge'i khri la 'khor nyan thos dang bcas pa bzhugs pa'i snang ba byung bas spos phul gsungs/ de nas spos phul/ bcu bzhi'i nyin par phyi dro gdugs la bzhugs pa'i dus su sprin sngar gyi de 'dra ba cig byung / dpal kye rdo rje'i dkyil 'khor gsal por gzigs pas spos phul gsungs nas