[A:154b]nas chos mang po gsungs/ snyan grags thos pas gong nas gdan 'dren pa byung ste byon nas rgyal po chen po'i bla ma mdzad cing ta dben gu shrI'i mtshan gsol/ shel dam che ba tho shu dang bcas pa gnang / gzhan yang bstan pa'i bya ba rgya cher mdzad de chu pho khyi'i lo la rgyal po'i pho brang chen por ngo mtshar ba'i ltas du ma dang bcas bde bar gshegs/ zhes grags so/ /
rin chen sgang bla brang/
'jam dbyangs don yon rgyal mtshan/
bla ma de'i gcung che ba ni 'jam dbyangs don yod rgyal mtshan du grags pa ste/ yab dgung lo zhe dgu bzhes pa lcags pho khyi'i lo la zha lu khang gsar du 'khrungs te/ bla ma 'di nyid sngon gyi bsod nams kyi rgyu mthun pa las nye bar grub pas sku mdzes shing brjid chags pa/ mthong ba tsam gyis skye bo kun gyi yid 'phrog cing skye ba bdun pa'i mtshan nyid mnga' ba/ gsung snyan cing gdangs gsal ba/ brjod pa dag pa/ thugs rang bzhin gyis snying rje che zhing byams pa'i stobs mnga' ba ste/ mdor na 'gro ba kun gyi rtsa lag tu gyur pa zhig ste gzhon nu nyid nas sangs rgyas kyi bstan pa la dad gus dang sri zhu che zhing / yab mes kyi chos la sbyangs pa mthar phyin pa mdzad/ gzhan yang mkhan chen bsod nams grags pa/ bla ma dpal ldan seng ge dpang lo tsA ba blo gros brtan pa/ brag kha ba grags pa seng ge chos rje na bza' ba bsod nams dpal/ rgyal sras thogs med pa/ bla ma sron pa chos dpal bzang po sogs gus pas bsten nas/ de dag la mnga' ba'i sems bskyed/ dbang khrid lung man ngag bshad bka' dang bcas pa legs par gsan nas thugs su chud pa mdzad cing / thos bsam gyi sgro 'dogs