[A:177b]gtol med du gyur pa na/ bla ma 'dis dkon mchog dang chos skyong srung ma la gsol ba btab bden bdar brjod nas nang par byon pa'i tshe/ 'brong gi rmig rjes shar gyis dod pa cig 'dug pa'i rjes bcad nas phebs pas/ 'brong sum cu tsam zhig la thog tu byung ste gangs rnams phar gshags tshur gshags nas song ba na/ de dag gi rjes bcad nas bdag nyid chen po slob tshogs rnams kyis kyang byon pas lam bde bar bgrod de skyon med du 'thon zhes grags pa dang / gzhan yang lam nor cung zad byung ba'i tshul rnams la yang ri dwags rkyang dang sha ba la sogs pas lam sna bstan pa sogs ngo mtshar mtha' yas shing / gzhan yang bod kyi sa'i cha dbus gtsang du phebs nas yang khang pa 'jig nges pa kha cig tshon skud kyis bcings pas g.yo med du gnas pa dang / ma rungs pa dag gis chus bskor ba na na bza'i g.yab mo brdabs pas rdzing chen po phyogs med du ral ba dang / ngan pa 'ga' zhig gis bdag nyid chen po 'di bzhugs pa'i bla brang la dmag gis bskor nas rung ba ma yin pa'i las byas pa na/ bla ma 'dis chos skyong la 'phrin las drag tu bcol bas dpal ldan lha mo 'dod pa khams kyi dbang phyug ma'i sku brnyan bla ma 'di'i thugs dam mdzad pa'i rten cig yod pa des sgar gyi mthar nyul te lha mo'i sku las rdul 'thon pa byung zhing / de nas ngan pa de'i sgar du nad chen po byung ste mi mang po shi ba na/ lha mo'i sku brnyan de la de nas bzung ste lha mo rdul ris ma zhes grags te/ deng sang yang dge sdings mgon khang na bzhugs pa 'di nyid yin no zhes kyang grag go /de ltar mthu