[A:195b]pham par byed pa byung ba la/ bdag nyid chen po 'dis dkon mchog la gsol ba btab chos skyong la 'phrin las drag tu bcol bas/ ser ba chen po babs te bar snang gi dmag thams cad sa la lhung nas/ rang phyogs rgyal bar mdzad pa sogs nus pa bsam gyis mi khyab pa mnga' ba zhig ste/ de ltar mdzad pa bsam gyis mi khyab pa mdzad nas/ dgung lo zhe dgu pa sa pho khyi'i lo la me tog ra bar ngo mtshar ba'i ltas du ma dang bcas te mya ngan las 'das par bshad cing / bla ma 'dis bsnyen par ma rdzogs gong btsun mo gnyis khab tu bzhes pa'i dang po yul rta ste kha phyar pa/ ming ma gcig dpal ldan bzang mo bya ba la sras
da dbon chos kyi rgyal mtshan/
ta dben chos kyi rgyal mtshan dpal bzang po zhes bya ba/ yab dgung lo nyer gsum pa chu pho spre'u'i lo la g.yas ru ngam ring du sku 'khrungs te/ yab mes kyi chos la sbyangs pa phul phyin dang / khyad par tshad ma'i skor la gsan sbyong mdzad pas rnam 'grel sogs sde bdun phyin ci ma log par mkhyen cing / tshogs chen por rnam 'grel dang rigs gter sogs tshad ma'i gzhung lugs du ma lan mang du gsungs nas tshad ma'i gzhung lugs dar bar mdzad/ gzhan yang bu ston rin po che spyan drangs nas lha khang chen mor rdor dbyings kyi dkyil 'khor blos bslang dang / sman bla'i pho brang chen po bzhengs pa sogs bya ba rgya chen po mdzad/ gong nas kyang chang gu'i gung gug shrI'i mtshan dang gser dam chen mo gnang zhing / phyis gang nas gdan 'dren pa byung nas dgung lo nyer lnga bzhes pa spre'u'i lo la rgya yul du phebs te/ rgyal po A yu pri ta ra zhes bya ba'i sgos kyi