[A:197a]nas dgung lo drug bdun tsam gyi bar du mnal du song ba'i ngang nas pha rol po dag gis ci smras pa dang / bya byed rnams thogs med du mkhyen te gsung bas kun ngo mtshar du 'dzin pa byung zhes grags shing / gzhan yang gzhon nu'i dus su mi rtag pa dang nges 'byung thugs las 'khrungs pa'i dbang gis gzigs snang la za zi ban bun mang po 'byung gin yod pa rnams rje 'di nyid kyi sku zhang dge ba'i bshes gnyen bzang po cig yod pa de'i drung du thugs rje chen po'i dmar khrid gsan pas/ sngar gyi nyams snang phal cher 'od gsal zin pa'i ltas su ngo 'phrod pa la sogs pa ngo mtshar ba'i yon tan gyi khyad par du ma gzhon nu nyid nas mnga' zhing / de nas rim gyis rgya bod kyi yi ge dang / klog dang rtsis la sogs 'jig rten pa dang thun mong gi rigs pa rnams ni brda sprad pa tsam gyis thogs pa med par mkhyen pa'i blo gros dang ldan pa zhig yin mod/ de lta na yang bde bar gshegs pa'i bstan pa rab tu byung bas 'dzin par dgongs nas/ dgung lo bcu drug bzhes pa shing pho 'brug gi lo/ ta dben gzhi thog pa kun dga' rin chen dang / sa bzang ma ti gnyis kyi drung du rab tu byung nas/ mtshan kun dga' bkra shis rgyal mtshan dpal bzang po zhes gsol te/ de nas slob dpon chos kyi sengge nye bar bsten nas/ bka' spyi'i dgongs 'grel gyi bstan bcos rnam 'grel sogs tshad ma'i gzhung lugs rnams la gsan sbyong mdzad pa na/ skyes stobs kyi thugs rab phul du byung ba dang / /sbyor byung gi brtson 'grus phun sum tshogs pa dang ldan zhing / yi