[A:197b]dam lhas rjes su bzung ba la brten nas sde bdun mdo dang bcas pa'i tshig don la ma rmongs shing mkhas pa'i phul du phyin par gyur to/ /de nas chu pho byi ba'i lo rje nyid dgung lo nyi shu rtsa gcig bzhes pa'i dus chos rje thams cad mkhyen pa bsod nams rgyal mtshan dpal bzang pos mkhan po dang / las kyi slob dpon gnas lnga rigs pa'i paNDi ta chen po ma ti dhwa dza dang / gsang ste ston pa'i slob dpon lo chen byang chub rtse mos mdzad de/ phun sum tshogs pa'i dad pa'i dge 'dun bcu phrag zung dang bcas pa'i dbus su gdan sa chen po dpal ldan sa skyar ngo mtshar ba'i ltas du ma dang bcas bsnyen par rdzogs par mdzad nas/ ngur smrig 'dzin pa rnams kyi gtsug gi nor bur gyur to/ /gzhan yang bdag nyid chen po'i drung du theg pa chen po dbu ma lugs kyi sems bskyed dang / rdo rje phur pa sa lugs kyi dbang dang / gshed dmar lha bcu gsum ma'i dbang la sogs pa dang / dpal dus kyi 'khor lo'i rgyud 'grel gyi bshad pa chos rje bla ma rang gis mdzad pa'i 'grel chen gyi steng nas mdor bsdus lnga pa man dang / gzhan yang dag ljon spyi gsum/ chos rje bla ma rang gis mdzad pa'i brtag gnyis kyi 'grel pa'i lung sogs dang / sgrub thabs kyi gzhung dang / gzhan yang man ngag las tshogs sogs ston pa'i rgya gzhung bod gzhung / de dag gi rgyab brten bde bar gshegs pa'i bka' dri ma med pa rgyud kyi lung la sogs pa mdor na dbang lung man ngag rjes gnang la sogs pa chos kyi sgo du ma gsan nas thugs su chud par mdzad cing / khyad par rin chen sgang bla brang du