R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 213a
[A:213a]grib la brten nas sku mya ngan las 'da' ba'i tshul bstan nas/ sku gdung rin po che ril po de zhabs 'bring pa rnams kyis spyan drangs te da lta yang gling dga' bde ba can gyi mchod khang na 'gro ba rnams kyi bsod nams kyi zhing dam par bzhugs shing / de'i gcung bdag chen rin chen rgyal mtshan ni skyes stobs kyi thugs rab phul du phyin pa dang ldan zhing gzhon nu nas rab tu byung / 'jam pa'i dbyangs sa lo tsA ba chen po gus pa chen pos bsten nas bsnyen par rdzogs pa dge slong gi dngos po dang / gzhan yang bde kye gsang gsum sogs gsang sngags zab mo'i chos kyi bka' mang du gsan cing thugs su chud par mdzad de/ bstan pa'i bya ba thos bsam sgom gsum rgya cher mdzad/ mdo khams su phebs nas gdul bya dpag tu med pa smin grol la bkod nas/ dgung lo don gsum pa'i tshe ngo mtshar ba'i ltas du ma dang bcas sku mya ngan las 'da' ba'i tshul bstan zhes grags so/ / de rnams kyis thams cad mkhyen pa dkon mchog lhun grub kyis mdzad pa'i gdung rabs ya rabs kha rgyan las ji ltar 'byung ba'i lha khang bla brang pa'i gdung rabs rin po che byon tshul rnams legs par bstan zin nas/ da ni de dag gi kha skong cung zad brjod par bya ste/ 'di la yang tshigs su bcad pa'i sgo nas mdor bstan pa dang / de'i don cung zad phye ba gnyis las/ dang po ni/ kun rgyal btsun mo gling gi dpon chen sras/ /dkar mo'i mtshan la chos kyi rgyal mtshan dang / /gcung po kun dga' legs 'byung rnam gnyis 'khrungs/ /de rnams lha khang bla brang gdung