[A:224b]tsam yang mi mnga' ba'i byang chub sems dpa' chen po zhig yin par bshad cing /
bdag nyid chen po 'dis btsun mo gcig khab tu bzhes pa ni/ dma' ze bza' ma gcig hor mo tshe brtan zhes bya ba ste/ 'di la sras sku mched bzhi byung ba'i nang nas gcen bdag nyid chen po sa lo tsA ba 'jam pa'i dbyangs kun dga' bsod nams grags pa rgyal mtshan dpal bzang po zhes bya ba ni/ ji skad du/ dang por zab gsal gnyis med 'jam pa'i dbyangs/ bar du rigs ldan 'jam dpal grags pa'i zhabs/ /mtha' mar gnas lnga rigs pa sa skya pa/ /bdag nyid chen po'i sngon gyi skyes rabs yin/ /zhes pa ltar dang po bde bar gshegs pa thams cad kyi mkhyen rab thams cad gcig tu bsdus pa'i ngo bo 'phags pa 'jam dpal/ bar du rigs ldan gyi sa skyong chen po mi'i dbang po 'jam dpal grags pa/ tha mar gnas lnga rig pa'i paNDi ta chen po kun dga' rgyal mtshan dpal bzang po zhes bya ba rnams su sku'i rnam 'phrul brgyud mar bzhes nas/ slar yang gangs ri'i khrod kyi gdul bya skal ldan rnams kyi smon lam dang legs byas kyis bskul nas/ dbus 'gyur gyi tshal rdo rje'i gdan nas byang phyogs su dpag tshad brgya tsam bgrod pa'i sa'i cha/ yon tan rin po che du ma'i 'byung khungs/ 'phags pa'i gang zag rnams kyi bsti gnas/ 'gran zla med pa'i mkhas pa rgyun mi chad par 'byon pa'i mtshan ma dang ldan pa'i gtsang grom pa la stod dpal ldan sa skya zhes grags pa'i dgon pa nas dbang po'i phyogs su ha cang mi ring ba zhig bgrod pa'i nor 'dzin gyi mthil/ phyi nang gi