[A:276b]rgyal tshab sa skya pa'i/ /bstan dang bstan 'dzin dgon gnas dang bcas pa/ /skyes chen gang gi drin las byung ba'i tshul/ /shes nas byas shes drin gzo bskyed gyur cig /las ngan dbang gis dus kyi mthar skyes pa'i/ /rmongs pa bdag dang bdag la ltos bcas rnams/ /'brel tshad don ldan sngags 'chang yab sras kyis/ /'di phyi'i don kun 'grub par byin gyis rlobs/ /zhes kyang shugs 'byung du gsol ba btab pa'i bar skabs kyi tshigs su bcad pa'o/ /de nas re zhig gi bar du sku gdung rin po che de nyid lhun grub pho brang de nyid du mchod rten gyi khang bu brtsegs par bzhugs su gsol zhing / de nas rgyun mi ring bar gdung sras 'jam pa'i dbyangs sku mched kyis sngags 'chang nyid kyi dgongs pa rdzogs thabs su nyid kyi sku brnyan gser zangs las grub pa ngo mtshar can thog tshad ma la lam zab bla ma brgyud pas bskor ba dang / khyad par sngags 'chang chos kyi rgyal po nyid kyi sku gdung bzhugs pa'i rnam rgyal mchod rten rgyu rin po che dngul las grub cing bzo khyad rmad du byung ba rin po che bsam gyis mi khyab pa'i phra rgyan gyis spras shing dpangs shin tu mtho ba/ mthong na mi mthun pa med pa de nyid gsar bzhengs mdzad de/ sku gdung rin po che spyan drangs nas der bzhugs su gsol zhing / mchod pa'i bye brag bsam gyis mi khyab pa bsham ste/ gdung sras 'jam pa'i dbyangs sku mched kyis gtso mdzad rdo rje 'dzin pa du mas rab tu gnas pa rgyas par mdzad pa'i tshe/ spyan dbye'i skabs su rten rnams la nyi ma shar zhing / nam mkha' shin tu dwangs pa la lha rnams kyis me tog