[A:295a]'ga' zhig nod par mdzad la/ mdor na bdag nyid chen po 'di nyid ni rang nyid yon tan kun dang ldan yang rtag tu dman cha 'dzin pa la thugs gcig tu gzhol ba'i gang zag gzhan gyi skyon nas gsungs pa zhabs drung du yun ring du bsdad pa sus kyang thos ma myong ba yin zhing / mkhas btsun bzang gsum dang ldan pa'i skyes bu dam pa gang na su bzhugs kyang bla mar bkur ba'i thugs 'dun rgyun chags su mdzad pa yin te/ dus phyis nyid kyi gsung las/ da ni nged kyi bla ma phal cher zhing gzhan du gshegs nas mi bzhugs 'dug pas/ tshe mjug 'di la nged rang blo gtad thub pa'i bla ma zhal bzhugs shig dgos pa 'dug pa la/ gzhan ni 'os rigs gang nas btsal kyang mi 'dug cing / rin po che mus chen sangs rgyas rgyal mtshan 'di nged rang yid ches shing gdeng khel ba'i bla ma zhig 'dug pas/ khong gis gnang grogs mdzad na nged rang 'dod chos 'dra zhu ba la brtag pa sogs byed dgos mi 'dug ces bdag cag zhabs drung na gnas pa kun la yang yang du gsung ba sku 'khor ba kun gyi thugs la gsal ba de yin la/ de ltar bdag nyid chen po 'di nyid sku gzhon nu nyid nas yon tan mtha' dag ma bslabs pa yang ngang gis rdzogs pa'i tshul gyis/ la la rgyal po'i bu bzhin lhun gyis grub/ /ces gsungs pa'i don dang ldan par gyur cing / mchod 'os kun la gus pa dang / skye bo gzhan su zhig la'ang khong khro ba tsam yang mi mnga' zhing / kun gyi yid 'dzin pa la mkhas pas 'di ni 'gran zla dang bral ba'i skyes bu chen po zhig 'byung nges par