[A:295b]snang ngo zhes dus mtshungs pa'i gang zag thams cad rje nyid kyi snyan grags brjod pas dus rtag tu brel bar gyur cing / de de'i skabs nas rje btsun yab kyi chag phyir bkris te sa skya pa'i yab chos yang phur gnyis/ bde kye gsang gsum/ yo ga bya spyod dang bcas pa/ chos skyong che chung sogs kyis bsdus pa'i dbang khrid lung man ngag rgyud dang gzhung phran mtha' dag sogs la sbyangs pa mthar phyin pa mdzad cing / tha na de dag gi cho ga'i cha lag phra mo bris thig dbyangs gsum tshun chad la yang rje 'di nyid las byang chub pa sngags 'chang chos kyi rgyal po'i zhal slob kyi khrod du gzhan ma byung bar snang zhing / de nas rje nyid dgung lo brgyad du phebs pa na/ bdag nyid chen po sa skya paNDi ta chen po'i chos kyi khri ga la ba der rje btsun gcen dang lhan cig tu yab rje chos kyi rgyal po'i rgyal tshab bstan pa'i bdag po chen por mnga' gsol te/ dus de tsam nas bzung ste dpal sa skya'i sde bstan pa gdung brgyud dang bcas pas thog drangs/ spyi dang bye brag gi bstan pa nyin mo ltar gsal bar gyur pa'i dbu tshugs pa yin la/ de lta bu'i skabs nas bdag nyid chen po 'di nyid kyis yab rje nyid kyi sku dang grib ma'i tshul du 'bral med du bzhugs bzhin pa'i ring nas/ yang phur bde kye gsang gsum chos skyong che chung sogs yi dam zhi khro du ma dang / rdo rje'i chos skyong rnams kyi dus dang grangs kyi bsnyen pa mthar phyin par mdzad pa'i mtshan ma khyad par can brnyes pa'i tshul ni 'og tu 'chad la/ de nas rje nyid dgung lo bcu phrag gnyis tsam du phebs pa na/ mdo phyogs gtso bor gyur pa'i bstan pa'i rnam