[A:296a]gzhag mdzad par bzhed de/ bdag nyid chen po sa skya paNDi ta'i sdom rigs gnyis dang / tshad ma kun btus la sogs pa phyogs glang gis mdzad pa rnams dang / rig pa'i gtsug rgyan chos kyi grags pa'i rnam 'grel rnam nges rnams te sde bdun sogs gzhung lugs chen po bdun cu rtsa bdun tsam zhig la bshad pa'i dga' ston dang / sbyor bkod sogs kyis bstan pa'i rnam gzhag ngo mtshar phun sum tshogs pa mdzad/ de ltar rje btsun lung gi chos kyi rgya mtsho chen po nyid kyi sku gsung thugs kyi ngo mtshar ba'i mdzad pa rnams la sngags 'chang chos kyi rgyal po'i yang thugs rangs par gyur te/ rgyan mchog 'di ma 'ongs pa'i dus su dpal sa skya'i sde bstan pa gdung brgyud dang bcas pa gong 'phel du byas nas/ sa skya pa'i bstan pa'i srog shing lta bur gyur pa zhig 'byung zhes bstod bkur bsngags gsum du ma mdzad pa ltar ji lta ba bzhin mngon du gyur pa yin te/ de yang bdag nyid chen po 'di dgung lo nyer bdun du phebs pa nas bzung / lnga bcu rtsa lnga bzhes kyi bar la gdan sa chen po'i bstan pa'i khur mtha' dag bzhes par mdzad de/ dbyar chos/ dgun chos/ dus rim che chung / dkyil 'khor sgrub mchod so so sogs de thams cad yar ldan du mdzad pa'i ring nas gtsug lag khang gsar bzhengs mdzad pa yang / rdzong chung bla brang / sgrol ma lha khang / mgon khang nub/ rje btsun gyi sku 'dra mdze thod ma bzhugs pa'i zur khang gtsug lag khang / phru ma'i lha khang / gzhi thog bla brang gi rigs 'dzin lha khang / dbu rtse'i 'jam dbyangs gzi 'od