[A:297b]nyams gso dgos pa mtha' dag mthar phyin par mdzad cing / de dag gi ring nas 'chad pa nyi ma'i 'od zer gyis gdul bya'i blo gros kyi padmo rgyas par mdzad pa'i tshul yang / bla ma gong ma'i dus chen gyi dkyil 'khor zab mo'i sgrub mchod rnams dang bstun nas bde kye gsang gsum/ rdo rje phur pa sogs kyi smin byed dbang gi chu rgyun lan mang du stsal zhing / sgrub thabs kun las btus pa brgya rtsa dang / gzhan yang rjes gnang zur bka'i rigs mang po/ lung gi tshogs du ma dang bcas pas skal ba dang 'tshams pa'i gdul bya rnams kyi dad pa dang blo gros kyi dbang po rab tu rgyas par mdzad pa yin la/ de dag gi bar mtshams rnams su rtsom pa legs bshad nor bu'i phreng ba gsar du bskrun pa yang / sngags 'chang chen po la bla ma rgyang 'bod kyi sgo nas gsol ba 'debs pa/ gsung ngag rin po che'i khrid yig ngo mtshar can/ rdo rje phur pa'i sgrub thabs 'bring po/ 'khor lo bde mchog nag po pa'i sbyin sreg bse 'bag nag po 'phur shes kyi lo rgyus/ chos dung dkar po rgyang grags kyi dkar chag sogs sngon med pa'i legs bshad du ma yang gsar du mdzad de/ kun mkhyen rgyal ba'i bstan pa la ma rtogs pa dang / log par rtogs pa dang / the tshom gyi dra ba thams cad bsal bar mdzad pa yin la/ dus dang gnas skabs thams cad du rje btsun sa skya pa'i chag med rnam pa bzhi dang / chos skyong khyad par can rnams la dus dang rgyun gyi mchod gtor 'bul bsngo la rtag 'grus su mdzad pa'i ngang nas/ chos dang srid kyi bya ba gang la yang thugs skyel dang thugs ngang shin tu ring