[A:45a]la/ rje btsun gyis nga la mkha' spyod kyis ci bya/ sangs rgyas kyang sems can gyi don las med pas mi 'gro gsungs/ mdun na rdo dkar 'jam cig 'dug pas drung na 'khod nas 'di'i steng du zhabs bzhag na mkha' spyod du 'gro zer/ der yang zhabs ma bzhag pa rmis gsungs/ dgung lo re bdun pa'i dbyug pa zla ba'i mtshan mo bla chen nyid la byang sems brgyad kyis bskor ba'i g.yas su kye rdor lha dgu/ /g.yon du shAkya thub pa la kauNDi nya la sogs pa dgra bcom brgyad kyis bskor ba'i rnam 'phrul bstan nas/ bla ma sa chen gyi zhal nas khyod rab tu 'byung na su la 'byung / dbang len na gang la len gsungs pa na/ bdag rab tu 'byung ngam dbang len na mkhan po dang slob dpon du gyur pa chos rje nyid do zhes zhus pas/ de kho na bzhin khyod kyis legs par rtogs pa de bzhin no/ zhes dbugs phyung / gzhan yang de'i mtshan thog thag bla chen dang dris lan gyi sgo nas the tshom mang po chod gsungs so/ /dgung lo re brgyad pa'i tshe bde ba can du spyan 'dren pa'i lha'i pho nya mang po byung ba phyir ldog dgung lo re dgu pa la lha du ma lhags nas mi mjed kyi mi bsngags pa dang / bde ba can gyi bsngags pa brjod pa'i sgo nas spyan 'dren pa na/ kho bo zhing bzang ba la dga' ba dang ngan pa la mi dga' ba med la/ zhing sbyong ba la zhing dman pa khyad par du 'phags shing / bdag la ltos pa'i mgon med pa 'ga' zhig yod pas mi 'gro gsungs nas bzlog de nas bdun cu pa na ci nas kyang gshegs so zer ba na/ bde ba can gyi bkod pa yang gzigs