[A:57a]no/ /de nyid yab dgung lo so gsum bzhes pa'i dus su chu pho stag gi lo khra zla ba'i nyi shu drug la 'khrungs shing / de'ang yum gyi lhums su 'jug pa na klu'i rgyal po rin po che'i rgyan mig gis bltar mi bzod pa cig khyod la gnas g.yar zer ba rmis shing / lhums su zhugs pa na yum la ting nge 'dzin bzang po skyes/ bltams pa na bar snang 'od kyis khyab pa dang / bltams nas 'gog thub pa na snga ma'i bag chags sad pas saM skr-i ta'i skad smra ba 'ga' re byung / yum gyis 'di la gu ba cig yong ba ma lags sam/ gtam go rgyu med pa smras yin gda' zhus pas/ rje pas saM skr-i ta mkhyen pas gzigs nas/ khyod kyi bu la gu ba byung dogs med gsungs skad/ gzhan yang phyag mdzub kyis nA ga ra dang lanytsha la sogs pa rgya gar gyi A li kA li tshar re bris nas klog pa'i tshul mdzad/ de la mi 'gom par phyag gis phyis nas gtong ba dang / rgya klog bod klog ma bslabs par mkhyen cing / de nas thos bsam gyis rgyud sbyangs pa'i tshul ni/ rgyu dus su shes bya la bslab pa'i tshul dang / 'bras dus su rig pa'i gnas lnga mkhyen pa'i tshul/ de ltar yongs su rdzogs pa'i paNDi ta chen por gyur nas bstan pa dang sems can gyi don ji ltar mdzad pa'i tshul rnams su yod pa las/ dang po ni gsan yig lhug par bris pa rnam thar gzhan du rgyas par 'byung yang / chos rje nyid kyi chag lo'i dris lan du gsal zhing / go sla ba'i tshigs su bcad pa ni 'di ltar/ sdeb sbyor rin chen 'byung gnas dang / /dmar ser dang ni rgyal ba'i lha/ /bde bar gshegs pa'i