[A:123b-436] pa mngon por 'du mdzad par snang ngo/ dam pa'i chos 'dul ba'i bstan pa nyi ma shar ba ltar gsal bar mdzad/ de dag gi dus na nam mkha' shin tu dngas par 'ja' tshon rnam par bkra ba'i ri mor byas pa lta bu'i dbus su nas lha'i bu rnams kyis kyang rjes su yi rang ba'i tshul du me tog gi char bab/ gurkuM gur kum sogs dri bzang po'i ngad ldang bas phyogs thams cad gang ba sogs bkra shis dang ngo mtshar ba'i ltas bzang po'i dpal 'byor gyis kong po'i yul ljongs thams cad 'phags yul ltar dge legs kyi snang ba rgya chen pos khyab bo/ /skye bo kun kyang 'di lta bu'i bstan pa la phyag ris sngon med pa la gsar du skrun pa 'di ni/ ston pa nyid mngon sum du gyur pa'i ngo mtshar gyi bkod pa'o zhes mgrin gcig tu sgrog pa'i snyan pas rgya dkar nag gi yul du khyab par grags/ phyis thams cad mkhyen pa'i drung du bsnyen par rdzogs pa'i dngos po don du gnyer ba rnams 'dus shing bstan pa'i me ro bslang ba lta bur dus de nyid kyi nyin/ shAkya'i dge slong ngag dbang chos kyi rgya mtshos kyang/ mkhan slob sngar bzhin las/ thams cad mkhyen pas las kyi kha skong gi gtso bor bzhugs pa de bsnyen par rdzogs/ de nas gzung ste/ bdag nyid chen po 'di nyid thams cad mkhyen pa'i drung du spyan drangs