[A:124a-437 ] / /te mdo rgyud bstan bcos ma lus pa'i dgongs don gyi dka' ba'i gnas mtha' dag la drang ba dang nges pa'i don las brtsis pa'i 'bel ba'i gtam gyis dus 'da' slar mchu'i zla ba'i tshes cig gi nyin/ thams cad mkhyen pa'i gsung gis nged la tshe brtan pa'i rten 'brel du/ rje nyid kyi thugs dam gyi mthil du gyur pa'i tshe dpag med kyi dbang bskur ba zhig gnang dgos phebs pa/ ma cig grub pa'i rgyal mo nas brgyud pa'i tshe dpag med nang sgrub lha bcu bzhi'i dbang ras bris kyi dkyil 'khor la rten te phul/ de nyin rje sgam po mkhan chen pa dang/ bdag cag la sogs drung na 'khod pa las/ dbang pa po rnams ni mjal ba'i tshe chos kyi bka' mchid kho nas dus 'da' bar mdzad pas/ thams cad mkhyen pas 'bel gtam 'di skad gsol te/ kun mkhyen jo nang ba'i bzhed pa ltar na/ mdun gyi ka ba 'di lta bu med pa'am zad par 'gyur ba'i dus mi srid pa 'dra lags zhus pa la/ de'i rgyu mtshan ci lags gsungs pas/ thams cad mkhyen pas/ ka ba 'di lta bu zhig kho rang kun rdzob tu rang grub pa'i dus su ni/ ngo bo kun rdzob pa'i ngo bor gnang bzhin pa de yin/ kho rang bzhin