[A:124b-438] gyis stong pa'i tshe yang kho'i chos nyid dam gnas tshul kho rang ji lta ba zhig 'gyur ba med pa'i tshul gyis gnas par bzhed 'dug pa lags zhus pa'i lan du/ chos kyi rje kun mkhyen chen po bzhed pa/ mdun gyi ka ba 'di lta ci smos/ kun rdzob 'khor bas bsdus pa'i chos thams cad don la med bzhin snang ba 'khrul ba'i yo lang/ rang grub kyi dus skad cig gnyis par 'jig pa'i chos can kho na dang/ don dam mya ngan las 'das pa'i chos thams cad rtag pa brtan pa ther zug pa mi 'gyur ba'i chos can du bzhed cing/ de yang mdun gyi ka ba 'di lta bu zhig la mtshon na/ gnyis snang gi shes pa la snang tsam gyi ka ba ni rang grub dus kyi skad cig kyang sdod dbang med par mi rtag cing mi brtan la 'gyur ba'i chos can du ri gzar gyi 'bab chu sogs kyi dpes mtshon par bzhed pa yin te/ rje de'i gsung/ bstan pa spyi 'grel zhes bya ba'i gsol 'debs las/ 'dus byas thams cad ri gzar 'bab chu bzhin/ /sprin bzhin glog bzhin rtswa rtse'i zil pa bzhin/ /mi rtag mi brtan 'gyur ba'i chos can du/ /legs par ston mdzad bla ma'i zhabs la 'dud/ /ces pa sogs de nyid kyi gsung rab mang po las 'byung zhing/ don dam par ka ba'i chos nyid dam gnas tshul du gyur pa'i ka ba'i rnam pa rtag brtan mi 'gyur ba zhig