[A:125a-439] / /gnas pa'i tshul yang/ bde mchog mkha' 'gro rgya mtsho'i rgyud las/ don dam pa'i me tog ra ba ma dang / don dam pa'i rol mo mkhan mo dang/ don dam pa'i gdol pa mo dang/ don dam pa'i smyig ma mkhan dang zhes bya ba la sogs pa kun rdzob kyi chos thams cad kyi rnam pa tshang bar don dam la bzhugs par gsungs pa dang/
rgyud gzhan las kyang/ srid gsum gzhan dang/ srid gsum kun nas dang ba dang/ srid gsum skye 'jigs med pa la sogs pa don dam pa'i srid pa gsum dang/
don dam pa'i 'khor ba la sogs pa mtha' yas pa gsungs zhing/ dpal dus kyi 'khor lo'i rtsa ba'i rgyud las kyang/ shes rab gzugs brnyan nam mkha' snying zhes dang/ sna tshogs gzugs brnyan 'od gsal ba/ zhes dang/ don dam pa ni mtshan yang dag par brjod pa las kyang/
rnam pa kun ldan rnam pa med/ /sna tshogs gzugs can yid las skyes//shes zhes pa dang/ bsdus rgyud las kyang/
sa yi rnam pa sra ba min zhing zhu ba chu 'dus khu ba min te gsher ba nyid min phyir/ /me yi rnam pa me min g.yo ba rlung gi lus ni gang zhig g.yo ba min pas rlung ma yin/ /stong pa'i rnam pa yin yang blta bya dkar dang ljang dang kha dog sna tshogs chen po kha dog min/ /rnam pa kun ldan yin yang mthong ba min te rang snying dri ma nyon mongs bdud kyi mthu las so/ /zhes mdo rgyud mtha' yas pa rnams nas gsungs pa'i dgongs don dpyis phyin pa 'brel tshul/ rje 'de nyid gsung rab nges don rgya mtsho la sogs pa rnams nas rgyas par 'byung zhing/ 'pho ba khyad 'phags sogs khyad 'phags kyang 'di ltar 'byung ste