[A:146a-481] / /phal cher dang/ nged rang skye ba 'dir 'phrad pa'i rting ma yin pas thar pa'i sa bon mchon tu yang 'gyur bas cis kyang 'phrad pa yin phebs nas/ gzims khang gi yang thog tu bzhugs gdan gyi bkod pa bshams te/ der 'dus kyi skye bo stong phrag mang po la/ bla ma'i rnal 'byor/ thugs rje chen po 'khor ba dang dong sprugs kyi bsgom thabs/ yi ge drug ma'i lung dang bcas pa'i chos kyi 'khor lo yang dag par bskor pa'i mjug tu/ 'gro ba gang gis bdag mthong thos pa'am/ /reg gam gtam du byed pa tsam gyis kyang/ /rnam pa kun du 'gro la phan byed cing/ /bde dang ldan pa rtag tu byed gyur cig//ces pa'i smon lam grangs med pa dang/ mthar bkra shis kyi tshigs su bcad pa dang bcas te bstsal ba na/ kun gyis thun mong du sku'i gzi mdangs ches che bar mthong zhing/ las dag pa'i skye bo nyams 'ur langs pa kha cig la dag pa'i snang ba bsam gyis mi khyab pa dang/ gsung tshangs pa'i dbyangs kyis chos kyi 'khor lo bskor ba na/ rgyang ring po'i 'gro ba mang po'i rna bar gsung ngagi gdangs drung du 'khod pa lta bur gsal ba'i cho 'phrul