[A:67b]kun rdzob tu yod pa'i rnam gzhag mdzad/ yang / 'jig la 'bras dang yod nyid bzhin/ /zhes sgra 'jig par bsgrub pa la/ 'bras bu rtags su bkod pa dang / don gyi yod pa nyid rtags su 'god par mdzad/ de phyir dngos po med rten can/ /phyi rol rten ni sgra don la/ /brten nas 'dir ni bsgrub pa dang / /dgag pa thams cad 'dod pa yin/ /de yang sgra 'jug pa nyid las/ /yod ces tha snyad bstan par 'dod/ /ces dang / de nyid med pa ma yin sgra don phyir/ /zhes sgra don la yod pa'i tha snyad mdzad pa dang / yang / de la dmigs rung rnams kyis ni/ /yod pa dmigs pa las gzhan min/ /zhes tshad mas dmigs pa yod pa'i mtshan nyid du gsungs/ de dag gi don yang 'di yin te/ 'dir ni yod pa rnam gnyis te/ /don dang tha snyad dag gis so/ /don gyi yod pas bya ba byed/ /tha snyad yod pas dgag sgrub rten/ /zhes pa'o/ /dri ba gnyis pa chos kyi dbyings shes bya ma yin lags sam zhes pa'i lan ni/ rdo rje gcod pa las/ sangs rgyas rnams ni chos kyi sku/ /'dren pa rnams ni chos nyid lta/ /chos nyid shes bya ma yin te/ /de ni shes par nus ma yin/ /zhes gsungs pa dang / spyod 'jug las/ don dam blo yi spyod yul min/ /blo ni kun rdzob yin par 'dod/ /ces gsungs pa'i don chos dbyings rang ngos nas shes brjod kyi yul las 'das mod/ gzhan sel gyi sgo nas shes byar tha snyad mdzad de/ rgyud bla ma las/ gal te sangs rgyas khams med na/ /sdug la skyo bar mi 'gyur zhing / /mya ngan 'das par 'dod pa dang / /don gnyer smon