[A:73b]nas dar yug dkar po gcig blangs te chos rje ba la phul nas/ chos rje ba lta ba phyag rgya chen po 'di theg pa thams cad kyi sgom du bzhed dam/ phyag rgya chen po 'di rang ji lta bu lags/ ci'i phyir phyag rgya chen po zhes bya/ 'di skye tshul dang / sa lam bgrod tshul gyi rnam pa ci lta bu lags/ bdag la phyag rgya chen po'i gdams ngag zab mo zhig gnang ba zhu zhu yin 'dug pa la chos rje pa thugs dgyes te/ Dombi pa'i kye rdo rje'i dbang bskur mdzad nas/ phyag rgya chen po lhan cig skyes grub dang / tog tse ba'i bsam mi khyab kyi gdams ngag tshang ma cig gnang nas/ nged kyi lugs kyi phyag rgya chen po'i khrid lugs 'di ltar yin/ grub thob ma snga bar rtse gcig tu sgrub pa mdzod dang mi bslu ba yong / khyod kyis dris pa'i don mdor bsdus pa 'di rnams thugs la zhog gsungs nas/ spyir pha rol tu phyin pa'i theg pa'i lugs la lta ba dka' rtags kyi phyag rgya bzhis rgyas 'debs/ rgyud sde 'og ma gsum gyi lugs la zab gsal gnyis med kyi rgyas 'debs par bshad kyang / phyag rgya chen po'i tha snyad ma gsungs shing de dag gi lugs la mchog gi dngos grub bshad kyang phyag rgya chen po mchog gi dngos grub ma bshad pas lta ba phyag rgya chen po mtshan nyid par bsgom par mi 'dod do/ /de dag gi lugs la rtogs bya stong pa nyid zab mo bshad kyang / rtogs byed thabs lam zab mo ma bshad pas phyag rgya chen po mtshan nyid pa mi 'thad pa yin/ dper na nyan thos lugs la sbyin pa dang tshul khrims la sogs pa bshad kyang / grogs thabs shes khyad par can ma bshad pas sbyin pa'i pha rol tu