[A:74b]te/ 'phags pa klu sgrub kyis/ sangs rgyas rnams kyi chos bstan pa/ rim pa gnyis la yang dag brten/ /gcig ni bskyed pa'i rim pa ste/ /gzhan ni rdzogs pa'i rim pa yin/ /zhes gsang sngags bla med kyi ye shes 'dren pa'i thabs thams cad rim pa gnyis su bsdus nas bshad pa'i gnad yin no/ /phyag rgya chen po zhes bya ba'i sgra don ni/ legs sbyar gyi skad la ma sbyangs pa dag phyag ni stong pa'i ye shes te/ /rgya ni 'khor ba'i rgya las grol/ /zhes gsang snying dang / phyag rgya chen po thig le sogs las 'byung zhes smra ba ni 'khrul pa ste/ legs sbyar gyi skad la mahA mu dra zhes pa ni/ bod skad du mahA chen po/ mu dra rgya dang / rtags dang / mtshan ma dang / gug skyed la sogs pa la 'jug pa las/ 'dir rgya ru bsgyur ba yin no/ /don ni a wa dhU tI pas/ rgyas gdab phyir na rgya zhes te/ /srid gsum ro gcig phyag chen po/ /zhes gsungs pa ltar 'khor 'das kyi chos thams cad bde stong zung 'jug gi ngang du rgyas btab nas nyams su len pa'i don gyis lta ba phyag rgya chen po zhes bya ba yin no/ /skye tshul gyi rim pa ni/ gang zag skal bzang 'ga' zhig la dbang gi ye shes 'bebs pa'i dus nas phyag rgya chen po'i ye shes mtshan nyid pa skye ba yang yod mod/ phal che ba ni thabs bsgom pa sogs la ltos shing / thog mar phyag rgya chen po ltar snang skyes nas/ phyis phyag rgya chen po mtshan nyid pa skye bar 'gyur ba yin/ phyag rgya chen po ltar snang zhes bya ba yang cha mthun pa dug can dang / 'ba' zhig pa skyon can gnyis 'byung ba yin/ dug can ni thos bsam gyis